كنت تايهة بدور على نفسى,,,,,,,

اوقات كتيرة بنكون تايهين فى الدنيا,,من صغرى وانا تايهة فى الدنيا مش عرفة ليه,,حسة انى مش لاقية نفسى,,بدور عليها ومش بلاقيها,,تايهة من طفولتى,,كنت طفلة مختلفة جدا,طفلة عاقلة جدااا ورزينة,,طفلة كبيرة,ده حسب كلام عيلتى عنى,,,بس ده مكنش بيبسطنى خالص,,,لانى كنت احب ابقا طفلة زى اى طفلة اجرى والعب واتنطط,لكن للاسف لقيت نفسى كدة,,يمكن لانى ملقتش حد يقولى عيشى سنك ,كأن اهلى كانو سعداء لأن بنتهم عاقلة من صغرها,,,عشان كدة كنت تايهة من صغرى بدور على نفسى,بدور على الطفلة والمراهقة جوايا,,,فترة المراهقة كانت فترة عادية جدا ,,,كنت بذاكر واذاكر واذاكر عشان اثبت تفوقى,,وده اللى يهمنى انى اثبت للكل انى متوفقة,,والحمدلله نجحت ,,بس بردو فضلت ادور على نفسى اللى تايهة منى لحد ما القدر خلانى الاقيها بعد غياب سنين,,,,,لقيت الطفلة بكل جمالها,بضحكتها المذهلة ببراءتها,بطيبة قلبها,,بشقاوتها,ياااااه اد ايه كنت بتمنى اعيش الاحساس ده,احساس الطفولة,,,واللى قررت اعيشه اطول مدة ممكنة ومش هحرم نفسى منه,,,,,ومش طفولتى بس لقيتها ,,لأ لقيت البنت المراهقة كمان,مش اقصد بالمراهقة ,,,اى شئ غلط طبعا,,,اقصد الاحاسيس الجميلة اللى افتقدتها فى حياتى,,,احساس الحب,وبردو مش اقصد اى شئ حرام,,اقصد احساس بيخليك تنجذب لشخص ما بدون سبب وبدون هدف وبدون ترتيب وبدون تفكير,,شخص بتحس انك خايف عليه رغم انك متعرفوش,شخص بتحس انك متضايق جدا منه لو لقيته بيغلط,وبتشوف انك من حقك تلومه وتعاتبه بكل قسوة لو غلط,وبتشوف انه لازم يسمعلك ويرجع عن غلطه,,ممكن تكون انت بطبعك مش بتحب تلوم انسان على غلط,بتنصحه وخلاص وهو حر هو اللى هيتحاسب عن ده,,بس مع انسان واحد بس بتفرض كلامك ونصايحك عليه,,كأنك بالظبط شايف فيه نفسك ورافض ان نفسك تغلط,,,ربنا بس المتحكم فى القلوب,,,وبجد احساس لايوصف ان تجد من ترى به نفسك ,ترى به الطفل بداخلك,ترى به مراهقتك,ترى به شبابك,ترى بعينه الدنيا بأكملها,,,وتشعر بحزن شديد لو اختفى يوما من حياتك,,تشعر ان نفسك تاهت من جديد وسيستحيل ايجادها ثانية,,,ولو ظل دوما بجوارك مدى الحياة,تشعر بسعادة بالغة,,,تعيش معه من جديد كل مراحل حياتك التى مضت ولم تعشها,,,,