الحب في زمن الانترنت

موضوع: الحب في زمن الانترنت 24.11.10 3:27

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

زمان . حينما كان للحب معني .. دارت حوله حياه اكثر الناس . ربما لندره التقاء الاحبه معا

وصعوبه التواصل بينهما الا بطرق مبتكره كأن يضع لها الجواب في طربوش والدها او في

جيب جاكيت بدلته مع المكوجي او يرسله لها عبر النافذه مربوطا في طوبه وفداك زجاج النافذه

يا حبيبي . ولو لا قدر الله تزوجت الحبيبه او الحبيب من شخص اخر تصبح الحياه سوداء الي

مالانهايه ربما لصعوبه العثور علي طرف اخر للحب ..

و لهذا كان للحب قيمه ومعني اما الان فهذا هو الحب الجامد اخر تلات حاجات :

1 –

هو : هاي ممكن نتعرف

هي : هاي انا سالي 21 سنه

هو : هاي وانا حماده 35 سنه بكالورويس تجاره وباشتغل ف السعوديه

هي : اهلا بيك حماده وانا يادوب لسه متخرجه من كليه حقوق

هو : يا الف اهلا بيكي انتي مرتبطه ؟

هي : لا لسه وانت ؟

هو : لسه برضه بادور علي بنت الحلال

هي : ربنا يديك علي اد نيتك

هو : مابلاش الدعوه دي يا بنت الحلال

هي : هههههههههههههههههههه

هو : الله ضحكتك حلوه اوي

هي : سمعتها ف الكتابه ولا ايه ؟

هو : لا سمعتها بقلبي ممكن رقم موبايلك اكلمك عليه اسهل ؟

هي : لا ماينفعش خالص انا من عيله محافظه ومش ممكن اديك رقم موبايلي

2 –

هو علي الموبايل : بحبك .. والله العظيم بحبك

هي : بلاش يا حماده الكلمه دي انت كده بتتسرع احنا مانعرفش بعض تقريبا

هو : ازاي تقولي كده انا شفت كل صورك ع الفيس بوك ومتابع كل كلامك ع الوول

هي : يا حماده احنا ما نعرفش بعض ولا شفنا بعض خالص

هو : اللي عرفته عنك خلاني احبك انا نازل اجازه قريب ونتقابل ف اي حته

هي : بس ازاي اتنين يحبوا بعض من غير ما يشوفوا بعض ؟

هو : كفايه صوتك ورقتك وجمال ضحكتك وصورك الجميله اللي نزلتها عندي ف ملف خاص عشان افضل ابص لها واشبع منها

هي : كل صوري عندك ؟

هو : ايوه والصور ال بعتيهالي كمان .. سالي .. قربي مني شويه

هي : مانا جمبك اهو

هو : طيب بتحبيني ؟

هي : ماقدرش اقولها دلوقتي استني عليا شويه

3 –

هو : بحبك والله العظيم وماليش ف الدنيا غيرك

هي : وانا كمان بس خايفه

هو : يابنتي خايفه من ايه ؟ هو احنا بنعمل حاجه غلط ؟ احنا بنحب بعض

هي : لو حد من اهلي عرف ولا شاف الشات بتاعنا هيحرموني من الكمبيوتر خالص ويمكن ياخدوا مني الموبايل كمان

هو : ولا يهمك يا قمر انا اجيبلك موبايل تاني بس باقولك ايه ؟ قربي مني شويه بقي انتي واحشاني اوي ونفسي اتدفا ف حضنك

هي : يا حماده قلت لك بلاش الكلام ده بيضايقني

هو : مانا بحبك ومحتاج لك . مش قادر اعيش من غيرك . باحس لما بتقفلي الشات ان قلبي بروح مني واني باموت بجد من غيرك

هي : بجد ؟

هو : والله العظيك بافضل طول الليل اقرا ف كلامنا وافتكر صوتك الجميل وشكلك بهدوم البيت وانتي فاتحه لي الكام بتاعتك تعالي بقي

هي : حماده بليز ماتبوظش اللحظه الرومانسيه ال بينا دي انا بحبك اوي

هو : طيب مادام بتحبيني قربي مني بقي

هي تقرر ان تختبر حبه لها : علي فكره انا هالغيك من عندي ع الشات لو كررت الموضوع ده تاني

هو : يعني اهون عليكي وانا بحبك تلغيني

هي : ايوه

ثم تقوم بالغاء اسمه من الاصدقاء علي الفيس بوك ومن الشات وتنتظر ان يعود اليها مع كميه

اكبر من الحب والكلام الحلو لكنه ينفض لها ويفتح قائمه اصدقائها ليختار منهن بنت اخري

تضع صوره جريئه لها علي البروفايل وهو يقول لصديقه الجالس الي جوراه : يالهوي بت

خنيقه .. شهر بحاله اظبط فيها عشان تتكلم مافيش فايده مقفله ع الاخر

الصديق : يابني مانا قلت لك اختار البنات اللي صورهم مفتحه زي دي مش رايح تختار واحده

حاطه صوره قطط .. هاتعمل ايه بالقطط ياعم

وهكذا الحب اصبح مجرد كبسه رز علي صوره تعجبك . وبالف هنا

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: الحب في زمن الانترنت 25.11.10 4:02

جزاك الله خيرا

موضوع: رد: الحب في زمن الانترنت 25.11.10 8:36

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

جزاكي الله خير الجزاء أختي أمة

بارك الله فيكي وجزاكي كل خير على هذا المجهود الرائع

خيرا يااختاه علي هذا الموضوع القيم

موضوع: رد: الحب في زمن الانترنت 09.12.10 10:15

هذا لا يستحق اطلاق كلمة حب عليه فهو ليس اكثر من تسالى

موضوع: رد: الحب في زمن الانترنت 09.12.10 16:00

جزاكم الله خيرا

موضوع: رد: الحب في زمن الانترنت 09.12.10 20:54

واياكم

» ما هو الحب؟؟؟؟؟؟اجمل ماقيل عن الحب.......
» عندما يكون الحب دواء وعندما يكون الحب داء
» مراتب الحب.............
» صعوبات الحب...............
» لا تنخدعي باشباح الانترنت وخصوصا ً غرف الدردشه