ياااااااارب ارجوك احفظ بلدنا

وطننا الغالى ينزف بيد شباب لا يعى شيئا,,,نخسر يوما بعد يوم وهم مازالو على عنادهم يصرون,,,ليه العند للعند وبس,,,ازاى نسمع لمصريين للاسف بيحرضونا على تدمير مصر,,,بيحرضونا على قتل اخواتنا المسلمين المصريين,,,ليه لغينا عقولنا,,,ليه منفكرش لحظات فى كلام البشر ودول ونتسائل هيستفيدو ايه وازاى مسلم يحرض مسلم على قتل اخوه وازاى مصرى يحرض مصرى على تدمير بلده مصر,,,ده كفاية كلام كلاب الغرب ,,ده لوحده كفاية يخلينا نفوق ونفكر لحظات انهم بيدبروا لتحطيمنا وطمعانين فى بلدنا وده كلنا نعرفه من زمان ,,,,طمع الكل فى مصر,,,مصر اكتر بلد ذكرت فى القران الكريم,,,يعنى ربنا كرمها ,,,بتقولو الحكومة اللى بدات بالعدوان واحنا هنستمر,,,,هقولكم ربنا ورسولنا وديننا امرنا بالعفو ,,,والله ده منتهى الحرام تنظيمات اسلامية بتحمس الشباب على الاستمرار يعنى استمرار القتال بين مسلم ومسلم ,,يعنى استمرار تحطيم بلدنا الطاهرة,,,,هو ده اللى بتنادوا بيه يامسلمين؟ حسبي الله ونعم الوكيل ,,,انا لا مع او ضد حد,,,انا ضد الصراع بين مسلمين وبعضهم,,,انا ضد تدمير وطننا ,,,,انا ضد العناد ,,,اسمعو الشيخ محمد حسان,,,والله حسيت كانه نفسه ينزل الميدان ويبوس ايد الشباب عشان ميقتلوش بعض,,,عشان اسلامنا وبس ,,,عشان احنا كده مش بنحترم ديننا وتعاليمه ,,,,بنتقاتل عشان سلطة يعنى عشان دنيا فانية ,,والله ده منتهى البعد عن الدين,,,,حسبي الله ونعم الوكيل ,,,حسبي الله ونعم الوكيل,,,,يارب اتوسل اليك بكل اسم هو لك,,,اتوسل اليك بعزتك وجلالك ان تحفظ وطننا ولا تشمت فينا اعدائنا اليهود الكفرة,,,واهدى شبابنا يااااااااارب

اشكر كلامك العذب الرقيق النابع من قلب محب لدينة وبلدة ووطنة
جزاكى الله خيرا لما قدمتى واطرحتى
لكن اختلف مع حضرتك فى نقطة بسيطة الا وهى(تنظيمات اسلامية بتحمس الشباب على الاستمرار
هل كل مطلب او مطمع او تنازع على اى شىء لية بننسبة لكلمة تنظيمات اسلامية وهل اى تنظيم اسلامى اصبح مشوة الى هذا الحد
حتى فيما بيننا كاخوة اسلامين لما احنا نقول كدة يبقى اكيد الغرب معهم كل الحق فيما ينسبونة للاسلام
اعزرينى يااختى لكن لفت انتباهى هذا التشبية

اولا متشكرة جدا لكلام حضرتك المحترم جدا,,,انا مش ضد الاخوان بس للاسف انا شفتهم بنفسى بيجمعو بعض عشان ينزلو ميدان التحرير وبيحمسو بعض على الاستمرار حتى لو هيموتو,,,ليه مفكروش فى الدمار اللى بيصيب مصر تدريجي يوم بعد يوم,,,ليه مفكروش فى انسان بسيط شغله ورزقه باليوم,,,ليه مفكروش ان عنادهم واستمرارهم ممكن ينتج عنه قتل بين مسلمين لبعضهم زى محصل فعلا,,,انا مش بحب اغلط فى حد ,,بس انا بحب ديننا وبحب مصر وبكره العنف والقتل,,,وربنا يهدينا جميعا ويحفظ بلدنا ونقدر نعيش فى امان من تانى,,,,لو قدرنا نفهم ديننا صح ونطبقه هنعيش اسعد حياة ,لانه اجمل تعاليم ومبادئ,,,,وياااااااارب يهدينى ويهدى الجميع

سامحينى يااختى لانى انسان محب لدينى وغيور جدا علية وبكرة اى انسان ينتقدة او ينتقد اى مسلم موحد لله
وبحب وبتمنى ان يكون الاسلام والمسلمين فى احسن صورة

يافندم تحت امرك لاى نقد,,,,والحمد لله مفيش ذرة حقد جوايا تجاه اى مسلم ,,,بس اكيد شوية زعل ولوم جوايا للاخوان ولاى مسلم عموما كان بيحرض ع الدمار,,,وربنا يحببنا كلنا فى بعض,,,ويجمعنا فى جنته,,امين يااااااارب,,,,ونورت المنتدى,,ونتمنى نشوف مواضيع حضرتك باستمرار

يارب ثبت مصر وثبت حسنى مبارك وشتت المعارضين الذيين لم يعرفوا مصلحة مصر ياجماعة لازم تفهموا ان مصر بتنهار وضرورى الرئيس حسنى مبارك يكون موجود فى الأيام دى على الأقل يرجع الأستقرار فالبلاد ولازم تفهموا ان الراجل دة تعرض للغدر من كل اللى حواليه من كل العالم ومن شعبه كل الناس فجأة بقت ضده ولا اى حد فاهم هوة بيخطط لمصلحة مصر لازم ندرك ان الراجل دة مش عايز يضحى بمصر واحد غيره كان سابها تولع وهرب بس انا واثق ان حسنى مبارك عايز يثبت للشارع المصرى انه هاينفذلهم كل حاجة خلاص اصبروا شوية شهور اللى خلاكوا صبرتوا 30 سنة
يامصريين الغرب شمتان فينا ازاى نعمل فبعض كدة دة اليهود معاملوش فبعض كدة حاولوا تعطوا الرئيس فرصة اخيرة مصر بتنهاار يامصريين اللى فالمظاهرات بيموتوا واللى فالبيوت بيموتوا من الجوع حراااام دمرتوا مصر ودمرتوا تاريخها العظيم .
ارحموا مصر و الرئيس خلوه ينهى فترة حكمه بكراااااااامة

بالظبط حضرتك,,,ده الكلام الصح اللى محدش فاهمه للاسف,,,يمكن السنوات اللى فاتت مصر كانت تحت سيطرة حكومة ربنا يسامحهم بقا,,,وقامت مظاهرات سلمية رائعة طالبين تغيير والحمد لله حصل ووافق الرئيس على التغيير ولسه هنشوف منه باذن الله تغييرات اكتر ترضينا,,لانه اكيد هيبذل جهده لارضاءنا ولتحسين الصورة وعشان يختمها كويس معانا قبل نهاية حكمه,,,اغلب المتظاهرين وافقو على تصريحاته ومنزلوش المظاهرات تانى بعد خطابه,,,لكن شوية من الناس عاوزين يذلوه للاسف ومفكروش ابدا انه مسلم زيهم او مصرى زيهم,,,,ومفكروش فى شئ اسمه العفو,والرحمة ,ومفكروش انهم لو نجحو فى مطلبهم الغبى ان البلد هتخرب بعده وهتكون مطمع للكل ,,,من امتى الغرب بيحبنا عشان يدعو المصريين للاستمرار حتى يرحل الرئيس؟,,,دى مصالح شخصية وباذن الله ربنا هيحفظ مصر