عقوق الوالدين وكما تدين تدان

نسمع كثيرا عن اشياء تدمى قلوبنا,نسمع عن ابن قتل احد والديه .نسمع ان ابن يضرب امه ,ونسمع ونسمع وسنظل نسمع طرق مختلفة من عقوق الوالدين. هل من حقى اضرب امى او ابى مهما كانت معاملتهم لى ؟؟؟؟؟؟؟من فترة جاءت لى سيده مسنه حزينة بعينيها دموع وعلى لسانها دعاء هز قلبى,فهى تدعو وتقول علانية وباسلوب البسطاء"ماتشوف سعادة ابدا يا ابنى فى حياتك ,انا غضبانة عليك ليوم الدين"اقتربت منها قائلة"ليه بتدعى على ابنك كده,معلش سامحيه ده مش فاهم يعنى ايه غضب الام " قالت:"لالالالالا ابدا مستحيل ارضى ,ده مش فاهم ازاى ده فاهم كل شىء ,بيصلى فى الجامع وبيقرا قران ورغم كده بيشتمنى وبيضربنى ارضاءا لزوجته وللاسف ده ابنى الوحيد منه لله مايكسب ابداا "بصراحة سكتت ومعرفتش ارد عليها بس حاولت اخفف عنها بمعلش اهدى ربنا يهديهولك.وتابعت اخبارها عرفت انها مشيت بعيد عن ابنها وزوجته وعايشة فى حجرة صغيرة وحدها .بعدها دار كلام بينى وبين نفسى وقلت يااااااااه ليه احنا كتير بنكون اغبياء جدا ببساطة نقدر نكسب الاخرة بالدنيا ,ليه بنضيع فرصة ارضاءنا لوالدينا وهما احياء وهنشوف نتيجة ده بعنينا بعد مماتهم فى الدنيا وطبعا هنكسب الاخرة .يعنى ست زى دى كبيرة فى السن محتاجة معاملة كمعاملة الاطفال تماما بكلمة بسيطة هترضى وتكسب انت.ليه مش بنفكر فى جملة كما تدين تدان .ليه مش بنتخيل ان ولادنا هيعملوا فينا نفس اللى عملناه فى اهالينا ,ليه كلام ربنا بعيد عن عقولنا وقلوبنا "وقضى ربك الا تعبدو الا اياه وبالوالدين احسانا" يعنى طاعة الا فى معصية الله .قرات قصة على لسان ام بتقول"طلبت من اولادى كل واحد فيهم يرسم رسمة وانا هقيمها"رسم الاولاد كل منهم شكل مختلف عن التانى بس لفتت انتباهى رسمة الابن الاصغر ,مفهمتش ايه اللى رسمه ده سالت ايه الرسمة دى,قالى:"ده بيتى اللى هعيش فيه لما اكبر"قلتله طيب وايه اللى بعيد عن البيت ده,قالى "دى الحجرة بتاعتك ياماما ,زى ماحنا عاملين مع جدتى مش هى قاعده فى حجرة فى الجنينة لوحدها,انا كمان عملتلك حجرة لوحدك بالجنينة" الطفل ببرائته المعتاد فهم امه غلطها وعقوقها لامها بدون قصد منه بس هو اعتقد لما امه سايبة جدته لوحدها فى حجرة خارج بيتها هو ده الصح والمفروض يتعمل منه هو كمان معاها لما يكبر"......فعلا كما تدين تدان.هل جرب حد فينا يروح دور المسنين ويسمع قصصهم والله شىء صعب صعب صعب كنت فى زيارة من فترة طويلة لدار مسنين,وكان طالبنى مدير الدار للتعرف على ,فدخل شخص ما وقاله من فضلك عاوز ادفع المبلغ الشهرى المعتاد للحاجه كذا بس من فضلك بسرعه عشان مستعجل"طبعا انا قاعده بسمع وطريقته استفزتنى جداااااا وبجد كان جوايا رغبة شديده انى اوقفه واقوله انت مستخصر فى امك دقايق تشوفها بس.طبعا مقدرتش لانى كنت متوقعة رده وكنت هسمع اهانة منه فسكتت ومسكت نفسى لحد مخرج بسرعة بسيارته .ودار حوار بينى وبين مدير الدار "يابنتى ده شىء عادى بنشوفه دايما ,بيرمو اهاليهم هنا ارضاءا لزوجاتهم ومش بيفكروا يشوفوهم دقايق بس وفيه كتير وكتير قصص تقطع القلب بس ربنا كبير وعادل وكما تدين تدان"طلعت الدور التانى عشان اشوف المسنين شفت فى عيونهم لهفة اعجز عن وصفها ,اتجمعو حولى كانى بنت كل واحد منهم وجاية ازورهم ,والله احساس مش هقدر اوصفه ابدا سعاده شديده مع حزن عميق ورغبة ملحة فى البكاء ولكنى تماسكت.اللى شفته منهم واللى اكدوه كلهم انهم نفسهم بس يشوفو اولادهم دقايق بس والله رغبتهم مجرد دقايق وللاسف الابناء مستخصرين فيهم الدقايق دى.......والله اطفال بالظبط اقل شىء يرضيهم بس بردو هقول غباء وقلة دين ووعى مننا......ومع كده طبعا شفت امثال رائعه من الشخصيات اللى رضت والديها وكسبت كتير فى الدنيا ده غير انه فعلا اترد من اولادهم.......يارب نكون ممن يرضون ابائهم ولا نكون من العاقين لهم ..........

[b] موضوع اكثر من رائع جزاك الله خير الجزاء

جزانا وإياكم حبيبتي..ماشاء الله عليكي أنتي الأفضل طبعا ربنا يزيدك ويحفظك