نحنحة الشباب,,,,,,,

بعد اذن الجميع يعنى,اسمحولى اسمى الموضوع نحنحة الشباب,بالبلدى كدة,,,عشان هى فعلا نحنحة,,,سواء بنت او ولد على فكرة مش اقصد حد واحد بس منهم,اكيد اقصدهم الاتنين,,,البنت بتتصنع الرقة بشكل غريب مع خطيبها,,يعنى صديقتى بتتكلم معايا بشكل ومع خطيبها بشكل تانى خالص,,,,بيخلينى اموت من الضحك عليها,,كمان خطيبها نفس الموضوع بيتصنع الهدوء والرقة ,يعنى من الاخر الاتنين بيضحكو على بعض,,وهيبان الواقع الاليم بعد الجواز,,,لما كنت بدخل البالتوك التافه جدااااااا من هنا لحد اسرائيل تفاهة ,,,كنت بدخل بس عشان اضحك على التفاهة,,واتفرج واسمع اللى بيحصل من البنات والشباب,,,البنات بتتصارع على المايك كانه كنز,,وتمسك البنت المايك,,,وتتحدث بنحنحة مستفزة ههههههه وبرقة مصطنعة مستفزة جدااا,,,كنت بسمع طريقة البنات وبمسك نفسى بالعافية,,,لان كمان اللى يعترض على كدة بيطردوه من الروم اصلا هههههه فكنت حابة استمر شوية واشوف اللى بيحصل ,,,فى مرة دخلت روم محترمة عن غيرها فدخلت بعدى واحدة بتتكلم باسلوب مميت بصراحة والله يكون فى عون الشباب ههههههه,,,كانت داخلة تقول ياجماعة انا جديدة ع البالتوك,,,ومش عرفة افتح الكام,,,طبعا تقصد الكاميرا بس بتدلعها هههههه,,المهم الكل سكتو وفضلو يسمعوها,,بعضهم قالها الافضل متفتحيش كاميرا,والبعض قالها هفهمك خاص,وانا بقا طفشتها من الروم هههههه,,,طبعا كنت بكلمها كتابة ادام الكل,,,قولتلها حبيبتى فى غرف مساعدة تقدر تساعدك,,قالتلى لأ مش بحب روم ‏help‏,,,دى طبعا ترجمة روم مساعدة,,,قالت انا ممكن اتعرف عليكو ياجماعة معلش انا جديدة ومش عارفة اى حاجة,,,رديت انا ,حبيبتى احنا هنا محدش يعرف حد غير باسمه المستعار والافضل متقوليش اسمك ولاتفاصيل حياتك ,,رد واحد احنا بقالنا سنين هنا ومحدش يعرف عن حد شئ,,,,قالت طب انا كنت بدخل البسكيب,,انا بصر(*) مش متاكدة من الاسم,,بس اللى فهمته منها انه موقع زى البالتوك والفيس بوك,المهم قالت حد فيكو بيدخله,,,رد واحد انا كنت بدخله زمان,,,قالتله,بس انا مش شفت اسمك قبل كدة,,رديت انا معلش حبيبتى المرة الجاية تبقى تشوفيه,,,ردت على ,هو حضرتك مالك كدة,متضايقة منى,رديت ببرود لا حبيبتى انتى منورة البالتوك ,,بعد دقايق خرجت من الروم بسبب غلاستى معاها,,بس قبل متخرج كنت سالت سؤال لكل الروم,,هو ليه ياجماعة البنت لما بتمسك المايك بتتكلم بالاسلوب المستفز ده,,الكل ضحكو وقالولى واضح انك بنت طيبة اوى,,الاخت الموقرة ردت على قالت,اصل البنت بطبعها رقيقة,,,,ههههه,,,وخرجت للابد من هذا الموقع التافه,,,بس سالت نفسى ليه كدة؟ ليه التصنع؟ليه منبقاش على طبيعتنا مع الكل؟ اه البنت رقيقة بطبعها,,,بس تكون على طبيعتها مع الكل فى طريقة كلامها ,فى اسلوبها,فى اخلاقها كمان,,يعنى مثلا وانا بردو فى الموقع ده اتعرفت على بنت,,قالتلى خدى بالك اوى ممكن تشوفى ناس هنا كويسة ع العام ولو كلمك خاص تشوفيه حد تانى خالص,,,,يعنى بيتظاهر انه كويس ادام الكل تمثيل,,,انا بقا ريحت نفسى خالص واستكفيت باللى شفته بعينى وكان كفيل جدا احس بهيافتى لو استمريت بالموقع ده يوم زيادة,,,المهم نرجع تانى لسؤالى لماذا يتصنع الشباب الرقة والهدوء ويتعاملا معا بكذب وتمثيل,,,,ليه بجد منبقاش زى مااحنا؟,,,انا طبعا بنت واكيد بحب اكون رقيقة جدا مع جوزى,بس على طبيعتى ولو هتزيد شوية عن الطبيعة هيعتبر دلع على جوزى طبعا,,,هههههه بس هو هيكون عارف انى بتدلع عليه طبعا,يعنى دلع برضاه ورغبته ,,,اتمنى يعجبكو موضوعى